Vai a sottomenu e altri contenuti

Crèsia de Santa Maria de sas Gràtzias

Sa crèsia de Santa Maria de sas Gràtzias, connota finas comente Santa Maria de Orraccu, est in una costera de pedra niedda chi partzit sa badde de Aidumajore dae cussa de Abbasanta e Norghiddo

Dae su tretu in ue est posta si podet bìdere su lagu Omodeo e finas sos montes de sa Barbàgia e de su Mandrolisai. Gràtzias a sa positzione, su zassu in ue est sa crèsia est istadu valorizadu zai dae s'antighidade comente logu istratèzicu e de amparu tantu chi, galu oe, benit tzerriadu ''Sa Bastia''.

De sas orìzines non s'ischit meda. Su primu paperi est de su 1242 e pertocat una donatzione fata dae ''Donnu Petru Murtinu'' a su Priore de Santa Maria de Bonacatu.

Oe sa crèsia antiga de su 1242 no esistit prus; cussa chi b'est como est de su 1600 comente provat s'artare de pedra mòlina chi b'est a intro.

Sa festa est s'8 de cabudanni e agabat cando s'istàtua de Santa Maria Bambina torrat in crufessone a sa Crèsia de S. Maria de sas Prammas in Aidumajore.

torna all'inizio del contenuto
torna all'inizio del contenuto