Vai a sottomenu e altri contenuti

Crèsia de Santa Arega

Sa cresiedda de Santa Arega est a chimbe chilòmetros dae Aidumajore, subra de unu montigu galanu, a 172 metros subra su de su mare, a canta a su Lagu Omodeo.

Sa crèsia manna est istada fraigada in su 1797, in su matessi logu in ue in antis bi fiat sa crèsia prus antiga intitulada a Santa Justa e fata, custa puru, subra sas ruinas de unu campu romanu.

Totu a inghìriu de s'àera de Santa Arega sunt istados agatados restos medas de domigheddas.
A fundu a su novenàriu bi sunt sos nuraches de Atos, Mura e Logu, Uras e àteros monumentos archeològicos.
Su fatu chi su nurache e sos tres bètiles siant istados agatados a canta a sa Crèsia faghet pentzare chi in cue b'aiat zente zai dae s'època nuràzica. In prus, unas cantas testimoniàntzias archeològicas de su tempus romanu provant chi in ie biviant sos sordaos de s'Imperu.

A dolu mannu, de custa crèsia s'ischit pagu e nudda dae sa fine de su medioevu finas a su 1797; in cuss'annu dd'aiant torrada a fàghere. Pro gràtzia tenta, sa famìlia Putzolu aiat domandadu a su Pìscamu de Aristanis, Mussennore Sisternes, su permissu de torrare a fraigare sa Crèsia.

torna all'inizio del contenuto
torna all'inizio del contenuto